Հայ թենիսիստը արծաթե մեդալ է նվաճել միջազգային մրցաշարում
Մոլդովայում կայացած Biotehnos Series Cup միջազգային մրցաշարում Հայաստանի ներկայացուցիչ Առնո Ավետիսյանը երկրորդ տեղն է գրավել մենախաղում և զուգախաղում:
Մենախաղի եզրափակիչում Ավետիսյանը 3-6, 2-6 հաշվով զիջել է Նիդեռլանդների ներկայացուցչին։ Այս մասին տեղեկացնում է Հայաստանի թենիսի ֆեդերացիայի պաշտոնական էջը։
Նշենք նաև, որ զուգախաղում ևս Առնո Ավետիսյանը նվաճել է արծաթե մեդալ։ Ավետիսյան - Մարկ Վաինբերգ (Մոլդովա) զույգը եզրափակիչում 3-6, 2-6 հաշվով զիջել է ուկրաինացի թենիսիստներին։
