Խաչանովը դուրս է եկել Ժնևի մրցաշարի 1/4 եզրափակիչ. Նիսիկորին հրաժարվել է պայքարից
2020 թվականի Օլիմպիական խաղերի արծաթե մեդալակիր, աշխարհի 24-րդ ռակետ Կարեն Խաչանովը դուրս է եկել Ժնևում (Շվեյցարիա) ընթացող ATP-250 մրցաշարի քառորդ եզրափակիչ: Նրա մրցակից, ճապոնացի թենիսիստ Կեյ Նիսիկորին հրաժարվել է դուրս գալ կորտ:
Խաղը պետք է տեղի ունենար այսօր, քանի որ երեկ կիսատ էր մնացել Ժնևում տեղացած հորդառատ անձրևի պատճառով:
54 րոպե տևած խաղի առաջին սեթը Խաչանովը երեկ հաղթել էր 7:5 հաշվով։ Երկրորդ սեթում Նիսիկորին, որն այժմ աշխարհի 62-րդ ռակետն է, առջևում էր 5-2 հաշվով, երբ խաղը դադարեցվել էր, իսկ ավելի ուշ՝ հետաձգվել:
