Տիկնիզյանի գործակալը բացատրել է, թե ինչու խաղացողը թիմի հետ չի մեկնել Ակրոնի հետ խաղին

Գործակալ Ալեքսանդր Կլյուևը, որը ներկայացնում է Մոսկվայի «Լոկոմոտիվի» պաշտպան Նաիր Տիկնիզյանի շահերը, բացատրել է, թե ինչու ֆուտբոլիստը չի մեկնել Սամարա՝ Ռուսաստանի առաջնության վերջին՝ 30-րդ տուրի՝ «Ակրոնի» հետ խաղին մասնակցելու համար։

Հանդիպումը կկայանա մայիսի 24-ին։ Ավելի վաղ Տիկնիզյանը դժգոհություն էր հայտնել թիմում քիչ խաղաժամանակից և ասել, որ կխնդրի ակումբին բաց թողնել իրեն ամառային տրանսֆերային պատուհանի ժամանակ։

«Իսկապես, Նաիր Տիկնիզյանը թիմի հետ չի մեկնել «Ակրոնի» հետ արտագնա խաղին։ Պետք է ասեմ, որ սա խաղացողի նախաձեռնությունն է։ Նաիրը զգաց, որ այս պահին չի կարողանա լիարժեք օգնել թիմին խաղադաշտում, ինչի մասին նա անմիջապես տեղեկացրեց մարզչական շտաբին, և խնդրեց նրան տանը թողնել։ Կարծում եմ՝ սա ազնիվ արարք է։

Միևնույն ժամանակ, ես ստիպված եմ հերքել նրա հեռացման մասին լուրերը։ Տիկնիզյանը ամբողջ շաբաթ մարզվել է ընդհանուր խմբում իր մնացած թիմակիցների հետ՝ առանց որևէ սահմանափակման։ Ինչ վերաբերում է նրա ապագային, ինչպես ասում են, ժամանակը ցույց կտա։ Այս պահին ոչինչ չի փոխվել, նա «Լոկոմոտիվի» խաղացող է, Նաիրը գործող պայմանագիր ունի», - ասել է Կլյուևը «Championat»-ի հետ զրույցում։