Վանն ուժեղ էր Փյունիկից

Fastex Հայաստանի Պրեմիեր լիգայի 32-րդ տուրում «Վանն» ընդունել էր «Փյունիկին» ու առավելության հասավ 3։2 հաշվով։

Հանդիպման հաշիվը բացեց Մոմո Տուրեն՝ 32-րդ րոպեին։ 2 րոպե անց «Փյունիկի» երիտասարդ դարպասապահ Սերգեյ Միքայելյանի սխալից օգտվեց Մոմո Տուրեն ու գնդակը փոխանցեց Ուսման Աջիբոնային, որն էլ հաշիվը դարձրեց 2։0․ Մինչև ընդմիջման գնալը Տարոն Ոսկանյանը կարողացավ կրճատել հաշվի տարբերությունը, բայց 51-րդ րոպեին Կլայդեր Մասեդոն վերականգնեց «Վանի» 2 գնդակի առավելությունն ու հաշիվը դարձրեց 3։1, բայց հիմնական ժամանակիին ավելացված 8-րդ րոպեին Միխայիլ Կովալենկոն խփեց այս առաջնությունում իր թիմի վերջին գոլը։

Այս հաղթանակից հետո Վահե Գևորգյանի գլխավորած թիմը 49 միավորով եզրափակում է լավագույն հնգյակը։

«Փյունիկը» 53 միավորով մրցաշրջանն ավարտում է 4-րդ հորիզոնականում։

Հաջորդ՝ վերջին տուրում, «Վանը» կհյուրընկալվի «Ուրարտուին»։