Կրասնոդարը պատմական նվաճման շեմին է․ Այսօր կորոշվի ՌՊԼ-ի չեմպիոնը
Հայաստանի ազգային հավաքականի ու «Կրասնոդարի» կիսապաշտպան Էդուարդ Սպերցյանն այսօր կարող է պատմության մեջ առաջին անգամ հռչակվել Ռուսաստանի Պրեմիեր լիգայի չեմպիոն։
ՌՊԼ-ի Վերջին՝ 30-րդ տուրում «Կրասնոդարն» ընդունելու է Մոսկվայի «Դինամոյին»։ Զուգահեռաբար հանդիպում է անցկացնելու նաև Սանկտ-Պետերբուրգի «Զենիթը»՝ մրցելով «Ախմատի» հետ։ Ռուսաստանի 2-րդ քաղաքը ներկայացնող ակումբը 1 միավոր է զիջում «Կրասնոդարին»։
Եթե «Կրասնոդարը» հաղթի կամ «Զենիթը» պարտվի, ապա «ցլերը» կնվաճեն չեմպիոնի կոչում, եթե 2 հանդիպումն էլ ավարտվի ոչ-ոքի, ապա չեմպիոնը «Կրասնոդարն» է, իսկ եթե «Կրասնոդարը» պարտվի, իսկ «Զենիթը» ոչ-ոքի ավարտի իր հանդիպումը, ապա 7-րդ տարին անընդմեջ չեմպիոն կհռչակվի «Զենիթը»։
