Նոան երկարաձգեց պայմանագիրը Վիրջիլ Պինսոնի հետ

Հայաստանի փոխչեմպիոն Երևանի «Նոան» երկարաձգել է պայմանագիրը ֆրանսիացի հարձակվող Վիրջիլ Պինսոնի հետ։

«Ակումբը երկարաձգել է Վիրջիլ Պինսոնի հետ գործող պայմանագիրը մինչև 25/26 մրցաշրջանի ավարտ՝ ևս մեկ մրցաշրջան երկարաձգելու հնարավորությամբ»,-ասված է ակումբի հայտարարությունում։

Ընթացիկ առաջնությունում Պինսոնը երևանյան թիմի կազմում մասնակցել է 12 խաղի ու խփել 3 գոլ։ 

Ֆաստեքս Հայաստանի Պրեմիեր լիգայի գարնանային հատվածից առաջ «Նոան» 16 խաղից հետո 40 միավորով առաջատար է ու 2 միավորի առավելություն ունի 18 խաղ անցկացրած  «Ուրարտուի» նկատմամբ։

Փետրվարի 19-ին «Նոան» կմրցի «Ալաշկերտի» հետ Հայաստանի գավաթի խաղարկության 1/8 եզրափակիչում։

Ֆաստեքս Հայաստանի Պրեմիեր լիգայում Մոտայի գլխավորած թիմը փետրվարի 26-ին կհյուրընկալվի «Վեստ Արմենիային»։