Fastex Հայաստանի Պրեմիեր լիգայի վերջին՝ 33-րդ տուրում «Գանձասարն» ընդունել էր ԲԿՄԱ-ին։
Հաղթելով 2։0 հաշվով, Կարեն Բարսեղյանի գլխավորած թիմը չկարողացավ պահել առավելությունն ու խաղադաշտից հեռացավ 1 միավորով։
55-րդ րոպեին խաղի հաշիվը բացեց Սեյդու Կոնեն։ 69-րդ րոպեին Լյուկ Մերիլը կրկնապատկեց իր թիմի առավելությունը։ ԲԿՄԱ-ից հանդիպման հաշիվը կրճատեց Վյաչեսլավ Աֆյանը՝ 74-րդ րոպեին, իսկ հաշվի հավասարությունը վերականգնեց Դանիել Աղբալյանը՝ հիմնական ժամանակից ավելացրած 3-րդ րոպեին։
Այսպիսով, «Գանձասարն» ավարտում է մրցաշրջանը վաստակած 10 միավորով վերջին՝ 10-րդ տեղում։ ԲԿՄԱ-ն 36 միավորով շրջանցում է «Շիրակին» ու այս պահին 6-րդն է։
Հիշեցնենք, որ ավելի վաղ առաջնությունից հեռացվել էր «Վեստ Արմենիան» ու այդ թիմի արդյունքները հաշվարկից դուրս են։
