Հայաստանի հավաքականի ֆուտբոլիստները վերադարձել են Արարատ-Արմենիա

Ինչպես տեղեկացնում է «Արարատ-Արմենիայի» մամուլի ծառայությունը, ակումբ են վերադարձել հարձակվող Արայիկ Էլոյանն ու դարպասապահ Արման Ներսեսյանը։

Ֆուտբոլիստները ԲԿՄԱ-ից են վերադարձել «Արարատ-Արմենիա»։ «Բանակայինների» կազմում նրանք հանդես էին գալիս վարձակալության հիմունքներով։ 

Հիշեցնենք, որ թե՛ Էլոյանը, թե՛ Ներսեսյանը Հայաստանի ազգային հավաքականի ֆուտբոլիստներ են։

Էլոյանը ՀՊԼ-ի ավարտված մրցաշրջանում մասնակցել է 29 հանդիպման՝ դառնալով 10 գոլի ու 2 գոլային փոխանցման հեղինակ։

Ներսեսյանը մասնակցել է 27 հանդիպման՝ բաց թողնելով 44 գոլ, իսկ 4-ում անառիկ պահել սեփական դարպասը։

Ակումբը բարի վերադարձ է մաղթել ֆուտբոլիստներին։