Մ17 ԵԱ․ Հայ ազատոճայինների արդյունքները

Հյուսիսային Մակեդոնիայի մայրաքաղաք Սկոպյեում ավարտվեց ըմբշամարտի մինչև 17 տարեկանների Եվրոպայի առաջնությունը։

Հայ ազատոճայինները նվաճեցին 4 մեդալ՝ 1 արծաթե ու 3 բրոնզե։

45 կգ քաշային Արեն Փիրուզյանը բրոնզե մեդալի համար գոտեմարտում հաղթեց ադրբեջանցի Օմար Ուսուբովին՝ 12։2 հաշվով։

48 կգ քաշային Արտակ Աղաբեկյանը եզրափակիչում 0։4 հաշվով զիջեց ադրբեջանցի մարզիկին՝ դառնալով արծաթե մեդալակիր։

55 կգ քաշային Արմեն Պապիկյանը նվաճեց բրոնզե մեդալ՝ վճռորոշ գոտեմարտում հաղթելով UWW-ի դրոշի ներքո մասնակցող ըմբիշին։

60 կգ քաշային Ռազմիկ Ոսկանյանը նույնպես դարձավ բրոնզե մեդալակիր։ Ոսկանյանը ևս հաղթել էր UWW-ի դրոշի ներքո հանդես եկող մասնակցին։

Հիշեցնենք, որ ավելի վաղ հունահռոմեական ըմբշամարտի Մ17 հավաքականը, նվաճելով 2 ոսկե, 2 արծաթե ու 1 բրոնզե մեդալ, մեդալային հաշվարկում գրավել էր 1-ին տեղը։

Այսպիսով, այս Եվրոպայի առաջնությունից մեր ըմբիշները վերադառնում են 2 ոսկե, 3 արծաթե ու 4 բրոնզե մեդալով։