Բերեզովսկին խոսել է Տիկնիզյանի՝ Ցրվենա Զվեզդա տեղափոխության մասին
Սանկտ Պետերբուրգի «Զենիթի» և Հայաստանի հավաքականի նախկին դարպասպահ Ռոման Բերեզովսկին խոսել է պաշտպան Նաիր Տիկնիզյանի՝ Բելգրադի «Ցրվենա Զվեզդա» հնարավոր տեղափոխության մասին:
«Նա, հավանաբար, «Ցրվենան» տեսնում է որպես անցումային կետ, «Լոկոմոտիվի» և Եվրոպայի ավելի լուրջ ակումբի միջև ցատկահարթակ: Ամեն ինչ Տիկնիզյանի ձեռքերում է», - Բերեզովսկու խոսքերն է փոխանցում «Match TV»-ն:
Հիշեցնենք, որ պաշտպանի աշխատանքային պայմանագիրը «երկաթուղայինների» հետ նախատեսված է մինչև 2026 թվականի կեսերը: ՌՊԼ նախորդ մրցաշրջանում 26-ամյա ֆուտբոլիստը մասնակցել է 23 խաղի, որոնցում խփել է երկու գոլ:
Ավելի վաղ հաղորդվում էր, որ Տիկնիզյանը հունիսի 21-ին բուժզննում կանցնի սերբական ակումբի համար:
