Հակոբյանի, Բիչախչյանի ու Սերոբյանի թիմերն իմացան իրենց մրցակիցներին

Շվեյցարիայի Նիոն քաղաքում ավարտվեց Եվրագավաթային բոլոր մրցաշարերի՝ Չեմպիոնների լիգայի, Եվրոպա լիգայի ու Կոնֆերենցիաների լիգայի որակավորման 1-ին փուլերի վիճակահանությունը։

Հայ ֆուտբոլիստները, որոնց թիմերը մասնակցելու են սպասվող եվրագավաթային մրցաշրջանին, իմացան իրենց մրցակիցներին։

Ալբանիայի չեմպիոն «Էգնատիայի» շարքերը վերջերս համալրած Միսակ Հակոբյանի թիմը Չեմպիոնների լիգայի որակավորման 1-ին փուլում կմրցի իսլանդական «Բրեյդաբլիկի» հետ։

Արթուր Սերոբյանի «Շերիֆը» պայքարը կսկսի Եվրոպա լիգայի որակավորման 1-ին փուլից, որտեղ կմրցի Կոսովոն ներկայացնող «Պրիշտինայի» հետ․ իսկ Վահան Բիչախչյանի «Լեգիան»՝ ղազախական «Ակտոբեի» հետ։

ՉԼ-ի որակավորման 1-ին խաղերը կկայանան հուլիսի 8-9-ին, ԵԼ-ինը՝ հուլիսի 10-ին։

Հիշեցնենք, որ «Նոան», «Ուրարտուն» ու «Փյունիկը» ևս իմացել են իրենց մրցակիցներին։