Նաիրը հիանալի ֆուտբոլիստ է և կարևոր մարդ մեր հանդերձարանում. Լոկոմոտիվի ֆուտբոլիստը՝ Տիկնիզյանի հեռանալու մասին

Մոսկվայի «Լոկոմոտիվի» ակումբի պաշտպան Եվգենի Մորոզովը «Match» հեռուստաընկերության եթերում ասել է, որ թիմը կկարոտի կիսապաշտպան Նաիր Տիկնիզյանին, քանի որ նա հիանալի խաղացող է և կարևոր անձնավորություն հանդերձարանի համար։

Ավելի վաղ «Լոկոմոտիվի» տնօրենների խորհրդի անդամ Վալերի Ֆիլատովը «Մատչ» հեռուստաընկերության հետ զրույցում հաստատել էր, որ Տիկնիզյանը տեղափոխվում է սերբական «Ցրվենա Զվեզդա»։

- Շատ հավանական է, որ Նաիր Տիկնիզյանը մոտ ապագայում կհեռանա «Լոկոմոտիվից»։ Կկարոտե՞ք նրան թե՛ խաղադաշտում, թե՛ հանդերձարանում։

- Դուք հիմա խոսում եք, և ես տխրում եմ: Այո, Նաիրը նախ, շատ հիանալի ֆուտբոլիստ է, և երկրորդ, շատ կարևոր անձնավորություն հանդերձարանի համար։ Նա կարողանում էր ցանկացած իրավիճակում կատակ հորինել, որպեսզի կոտրեր լարվածությունն ու ամբողջ թիմին զվարճացներ,— ասել է Մորոզովը «Match» հեռուստաընկերության «All on Match!» հաղորդման եթերում։

Անցյալ մրցաշրջանում Տիկնիզյանը «Երկաթուղայինների» կազմում բոլոր մրցաշարերում մասնակցել է 33 հանդիպման, խփել է երկու գոլ և կատարել մեկ գոլային փոխանցում։

2024/25 մրցաշրջանում «Լոկոմոտիվը» RPL-ի մրցաշարային աղյուսակում զբաղեցրել է վեցերորդ տեղը։ Նոր առաջնության մեկնարկը նախատեսված է հուլիսի 18-ին։