Հայտնի են Նոայի հավանական մրցակիցները՝ ՉԼ որակավորման առաջին փուլում պարտվելու դեպքում
Շվեյցարիայի Նիոն քաղաքում մեկնարկել է Կոնֆերենցիաների լիգայի որակավորման երկրորդ փուլի վիճակահանությունը:
Վիճակահանության արդյունքում պարզ է դարձել, որ «Նոան» ՉԼ որակավորման առաջին փուլում պարտվելու դեպքում Կոնֆերենցիաների լիգայի որակավորման երկրորդ փուլում կխաղա ԿուՊՍ (Ֆինլանդիա)-«Միլսամի» (Մոլդովա) զույգի պարտվողի հետ:
Հիշեցնենք՝ Հայաստանի չեմպիոն «Նոան» Չեմպիոնների լիգայի որակավորման առաջին փուլում կմրցի Չեռնոգորիայի չեմպիոն «Բուդուչնոստի» հետ: Այս զույգի հաղթողը ՉԼ որակավորման երկրորդ փուլում կհանդիպի Հունգարիան ներկայացնող «Ֆերենցվարոշի» հետ:
ՉԼ որակավորման 2025/26 խաղարկության առաջին փուլի հանդիպումները նախատեսված են հուլիսի 8-9-ին, իսկ պատասխան խաղերը՝ հուլիսի 15-16-ին:
