Բերեզվոսկի. Սպերցյանը կուժեղացնի եվրոպական ցանկացած թոփ-ակումբ

Հայաստանի հավաքականի և Մոսկվայի «Դինամոյի» նախկին ֆուտբոլիստ Ռոման Բերեզովսկին կարծիք է հայտնել «Կրասնոդարի» հայ կիսապաշտպան Էդուարդ Սպերցյանի ապագայի մասին։

«Արդյոք նա պատրա՞ստ է տեղափոխվել Եվրոպա. արդեն 2-3 տարի է՝ Էդուարդը սա ապացուցում է իր լավ խաղով։ Վերջերս նրան տեսա Հայաստանի ազգային հավաքականում, Սպերցյանը լավ մարզավիճակում է։ Էդուարդը կուժեղացնի Եվրոպայի ցանկացած թոփ ակումբ։ Նա լուրջ մարտական ​​​​միավոր է։

Իհարկե, նա պարտքի զգացում ուներ «Կրասնոդարի» նկատմամբ, բայց օգնեց ակումբին հաղթել Ռուսաստանի առաջնությունում. հուսով եմ՝ ակումբը չի խանգարի նրա կարիերայի զարգացմանը։ Սպերցյանը շատ հավակնոտ է և ցանկանում է փորձել իր ուժերը եվրոպական առաջնությունում», - Բերեզովսկու խոսքերն է փոխանցում «Match» հեռուստաալիքը։

Սպերցյանը «Կրասնոդարի» ակադեմիայի սան է։ Նախորդ մրցաշրջանում 25-ամյա կիսապաշտպանը մասնակցել է 35 խաղի, խփել 11 գոլ և կատարել յոթ գոլային փոխանցում։

«Ցուլերի» հետ կիսապաշտպանը դարձել է Ռուսաստանի չեմպիոն։ Էդուարդի պայմանագիրը «Կրասնոդարի» ակումբի հետ լրանում է 2026 թվականի ամռանը։ Կիսապաշտպանի շուկայական արժեքը գնահատվում է 25 միլիոն եվրո։