Մամիկոն Ղարիբյանը՝ Մումբայի մրցաշարում կիսել է 1-2-րդ հորիզոնականները
Գրոսմայստեր Մամիկոն Ղարիբյանը կիսել է 1-2-րդ հորիզոնականները Հնդկաստանում անցկացված «Aurionpro Mumbai International Grandmaster Chess Tournament 2025» շախմատի միջազգային մրցաշարում: Այս մասին հայտնում է Հայաստանի շախմատի ֆեդերացիայի մամուլի քարտուղարությունը:
Մամիկոնը 9 հնարավորից վաստակել է 8 միավոր և միայն լրացուցիչ ցուցանիշներով զիջել հնդիկ գրոսմայստեր Լալիթ Բաբուին՝ զբաղեցնելով 2-րդ հորիզոնականը:
Մրցանակակիրների շարքում են նաև գրոսմայստեր Մանուէլ Պետրոսյանը և միջազգային վարպետ Արսեն Դավթյանը, որոնք 7 միավորով զբաղեցրել են համապատասխանաբար 6-րդ և 7-րդ հորիզոնականները:
