Շոկի մեջ էի․ Դա անհնար է․ Էդուարդ Սպերցյանը՝ Թուրքիա հնարավոր տեղափոխության մասին
Հայաստանի ազգային հավաքականի ու «Կրասնոդարի» կիսապաշտպան էդուարդ Սպերցյանը հյուրընկալվել է Հանրային հեռուստաընկերության «Շաբաթվա սպորտ» հաղորդմանը, որի ընթացքում խոսել է իր հնարավոր տեղափոխության մասին․
«Ապագայիս մասին ոչինչ չեմ կարող հստակ ասել։ Կարո՞ղ եմ մնալ Կրասնոդարում՝ այո, կարող եմ, կարո՞ղ եմ գնալ՝ իհարկե կարող եմ։ Եկեք չկանխատեսենք։ Հիմա մի քիչ հանգիստ եմ այդ հարցում։ Ոչ մեկի համար գաղտնիք չէ, բոլոր էլ գիտեն, որ ես շատ եմ ուզում տեղափոխվել, բայց չեմ ուզում շատ մտածել այն մասին, թե ինչ կլինի, եթե չգնամ։ Կյանքը շարունակվում է։ Ես Ռուսաստանի լավագույն ակումբում եմ, ինձ համար այստեղ էլ շատ լավ է։ Ինչ վերաբերում է օրինակ Չեմպիոնների լիգային, իհարկե, ուզում եմ մասնակցել։ Դա մանկության երազանք է, հույս ունեմ կստացվի։ Ինչ վերաբերվում է թուրքական ակումբներին, երբ լսեցի այդ լուրերը՝ շոկի մեջ էի։ Դա անհնար է»։
Հիշեցնենք, որ Էդուարդ Սպերցյանի ծառայություններով հետաքրքրված են մի շարք ակումբներ՝ այդ թվում «Մանչեսթեր Յունայթեդը»։ Մամուլում տարածված լուրերի համաձայն 25-ամյա կիսապաշտպանի ծառայություններով ժամանակին հետաքրքրված են եղել «Գալաթասարյը» ու «Տրաբզոնսպորը»։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
