Հայաստանի հունահռոմեական ոճի ըմբշամարտի պատանեկան հավաքականի անդամները 1 ոսկե, 3 արծաթե և 2 բրոնզե մեդալ են նվաճել Իտալիայի Կաորլե քաղաքում անցկացվող ըմբշամարտի Եվրոպայի մինչև 15 տարեկանների առաջնությունում:
Հայաստանի ներկայացուցիչներից չեմպիոն կոչմանն է արժանացել 68 կգ քաշային Արամ Սարգսյանը, որը եզրափակիչում 9։0 հաշվով հաղթել է թուրք մրցակցին։
41 կգ քաշային Վահան Գրիգորյանը, 48 կգ Նարեկ Ալեյանը և 62 կգ Պավել Նազարյանը դարձել են մրցաշարի փոխչեմպիոններ։ 44 կգ Վարդան Սահակյանը և 52 կգ Գեղամ Եղիազարյանը նվաճել են բրոնզե մեդալ։
Հայաստանի հունահռոմեական ոճի ըմբշամարտի հավաքականը թիմային հաշվարկում զբաղեցրել է երկրորդ տեղը:
Հիշեցնենք, որ 6 մեդալ էին նվաճել ու թիմային 2-րդ տեղն էին զբաղեցրել նաև ազատոճայինների ըմբիշները։
