Հայաստանի ազգային հավաքականի նախկին պաշտպան Հրայր Մկոյանը նոր ակումբ ունի։ Փորձառու ֆուտբոլիստը կարիերան կշարունակի Չարենցավանի «Վան»-ում։
38-ամյա Մկոյյանը նախկինում հանդես է եկել հայկական մի շարք առաջատար ակումբներում՝ «Արարատ», «Ալաշկերտ», «Արարատ-Արմենիա», «Շիրակ», որտեղից էլ ազատ խաղացողի կարգավիճակով համալրել է չարենցավանյան թիմի կազմը: Կարիերայի ընթացքում Մկոյանը պաշտպանել է նաև իրանական «Էսթեղլալ» ակումբի գույները:
Մկոյանը նաև 52 հանդիպում է անցկացրել Հայաստանի ազգային հավաքականում։
«Ուրախ ենք տեղեկացնելու` հայկական ֆուտբոլի լավագույն անուններից մեկը կրելու է մեր թիմի մարզաշապիկը»,- ասվում է ակումբի մամուլի ծառայության տարածած հաղորդագրության մեջ:
