Լեգիան նվաճեց Լեհաստանի Սուպերգավաթը․ Բիչախչյանը մասնակցեց խաղին

Լեհաստանի չեմպիոն «Լեխ Պոզնանն» ու գավաթակիր «Լեգիա Վարշավան» վիճարկում էին այդ երկրի Սուպերգավաթը։

Մայրաքաղաքը ներկայացնող ակումբը հաղթեց 2։1 հաշվով ու նվաճեց պատմության 6-րդ Սուպերգավաթը։

Հայաստանի ազգային հավաքականի կիսապաշտպան Վահան Բիչախչյանը խաղադաշտ դուրս եկավ 75-րդ րոպեին։

Սա «Լեգիայի» համար 43-րդ տիտղոսն էր։ Մինչ այս, Վարշավան ներկայացնող ակումբը 15 անգամ դարձել է Լեհաստանի չեմպիոն, 21 անգամ՝ գավաթակիր, 1 անգամ էլ հաղթել Ինտերտոտոյի գավաթի իր խմբում։

Նշենք, որ հաջորդ խաղը Բիչախչյանի թիմը կանցկացնի հուլիսի 17-ին՝ Եվրոպա լիգայի որակավորման 1-ին փուլի պատասխան խաղում մրցելով ղազախական «Ակտոբեի» հետ, որին, Բիչախչյանի գոլի շնորհիվ, 1-ին խաղում հաղթել էր նվազագույն հաշվով։