Հայաստանի Մ20 հավաքականը պարտվեց Իռլանդիայի հավաքականին
Հայաստանի Մ20 տարեկանների հավաքականը շարունակում է իր ելույթները Երևանում ընթացող Եվրոպայի առաջնության B դիվիզիոնի B ենթախմբում:
Կայացած երրորդ խաղում Հայաստանի հավաքականը 71:77 հաշվով պարտվեց Իռլանդիայի հավաքականին:
Հանդիպման ամենաարդյունավետ խաղացողը Դանիել Կիրակոսյանն էր, ով վաստակեց 29 միավոր: Նա նաև 6 անգամ տիրել է օղակից անդրադարձող գնդակին և կատարել 2 արդյունավետ փոխանցում:
Հայաստանի հավաքականը չորրորդ հանդիպումը կանցկացնի հուլիսի 15-ին` մրցելով Էստոնիայի հետ:
Հիշեցնենք, որ 1-ին տուրում Հայաստանի հավաքականը զիջել էր Լատվիայի ընտրանուն, 2-րդում՝ Մոնտենեգրոյին։
