Ինչպես տեղեկացնում է «Սյունիքի» մամուլի ծառայությունը, ակումբ է վերադարձել կիսապաշտպան Էրիկ Սողոմոնյանը։
25-ամյա կիսապաշտպանը հանդես է եկել «Սյունիքի» կազմում 2023/24 թթ․ մրցաշրջանի առաջին կեսում, ինչից հետո տեղափոխվել է «Գանձասար»։ Պրեմիեր լիգայի նախորդ մրցաշրջանում Սողոմոնյանը մասնակցել է 13 հանդիպման։
«Սյունիք» շարքերն է համալրել նաև Բուրկինա Ֆասոն ներկայացնող հարձակվող Ջասթին Կամիլ Յեն։
29-ամյա ֆուտբոլիստը հանդես է եկել տեղի Պրեմիեր լիգան ներկայացնող «Ուգադոգու» թիմում։ «Անդրանիկի» հետ կայացած ստուգողական խաղում Կամիլը դարձել է դուբլի հեղինակ։
