Հենրիկ Նալբանդյանը կսպասարկի ԵԼ-ի որակավորման փուլի խաղ

Ինչպես տեղեկացնում է ՀՖՖ-ն, հուլիսի 17-ին Պրիշտինայի «Ֆադիլ Վոկրի» մարզադաշտում կայանալիք ՈւԵՖԱ Եվրոպա լիգայի «Պրիշտինա» (Կոսովո) - «Շերիֆ» (Մոլդովա) պատասխան հանդիպումը կսպասարկեն հայ մրցավարները՝ Հենրիկ Նալբանդյանի գլխավորությամբ։

Նրան կօգնեն Արթուր Գդլյանն ու Գևորգ Շախկալդյանը։ VAR-ի գլխավոր մրցավարը Զավեն Հովհաննիսյանն է, Արտեմ Գասպարյանը՝ նրա օգնականը։ 

Հանդիպման չորրորդ պաշտոնյան Յուրա Մահտեսյանն է։

Հիշեցնենք, որ այս դիմակայության 1-ին խաղում «Շերիֆը» հաղթել էր 4։0 հաշվով։