Չեմպիոնների լիգայի որակավորման 2-րդ փուլում «Նոան» կմրցի Հունգարիայի չեմպիոն «Ֆերենցվարոշի» հետ։
Դիմակայության 1-ին հանդիպումը կկայանա հուլիսի 22-ին՝ Աբովյանի Վահագն Թումասյանի անվան «Քաղաքային» մարզադաշտում և կմեկնարկի 20։00-ին։
Հանդիպումը կսպասարկեն իսպանացի մրցավարները՝ Ռիկարդո դե Բուրգոս Բենգոետքսեայի գլխավորությամբ։
Դե Բուրգոսը կարիերայի ընթացքում սպասարկում է Լա Լիգայի 193 հանդիպում։
2023-ին կայացած Իսպանիայի Սուպերգավաթի եզրափակիչ «Ռեալ Մադրիդ»-«Բարսելոնա» խաղը սպասարկել է 39-ամյա մրցավարը։
Հիշեցնենք, որ «Նոան» ՉԼ-ի որակավորման 1-ին փուլում հաղթահարել էր Չեռնոգորիայի չեմպիոն «Բուդուչնոստի» արգելքը՝ Աբովյանում հաղթելով նվազագույն հաշվով, իսկ Պոդգորիցայում խաղն ավարտելով 2։2 հաշվով։
