Արոնյանը հաղթել է Մագնուս Կարլսենին ու Հիկարու Նակամուրային՝ դուրս գալով կիսաեզրափակիչ
Լաս Վեգասում ընթացող «Freestyle Chess Grand Slam Tour» Ֆիշերի արագ շախմատի մրցաշարի թայ-բրեյքում Լևոն Արոնյանը 2:0 հաշվով հաղթել է աշխարհում ամենաբարձր վարկանիշ ունեցող Մագնուս Կարլսենին։
Այս հաղթանակի շնորհիվ Արոնյանը դուրս է եկել քառորդ եզրափակիչ, որտեղ մրցում էր Հիկարու Նակամուրայի հետ։ Նակամուրան հաղթեց 1-ին պարտիայում, բայց Արոնյանը ռևանշի հասավ հաջորդ 2 պարտիաներում, իսկ 4-րդ պարտիայում շախմատիստները հաշտություն կնքեցին։
Այսպիսով, հայազգի շախմատիտսը դուրս է գալիս կիսաեզրափակիչ, որտեղ նրա մրցակիցը Հնդկաստանի ներկայացուցիչ Արջուն Էրգայիսին է։
Կիսաեզրափակիչի մյուս զույգը կազմել են Ֆաբիանո Կարուանան ու Հանս Մոկե Նիմանը։
