Տիկնիզյանը ճանաչվել է Լինքոլն Ռեդ Իմփս-Ցրվենա Զվեզդա հանդիպման լավագույն ֆուտբոլիստ

Չեմպիոնների լիգայի որակավորման 2-րդ փուլի «Լինքոլն Ռեդ Իմփս»-«Ցրվենա Զվեզդա» (0Ж1) հանդիպման լավագույն ֆուտբոլիստ է ճանաչվել Հայաստանի ազգային հավաքականի պաշտպան Նաիր Տիկնիզյանը։

Այս մասին տեղեկացրել է Սերբիայի չեմպիոնի մամուլի ծառայությունը։  

Տիկնիզյանը լավագույնն է ճանաչվել երկրպագուների քվեարկության արդյունքում։

«Ցրվենա Զվեզդայի» երկրպագուները ջերմորեն են ընդունել պաշտպանին։ Ահա ֆուտբոլիստին ուղղված մի քանի մեկնաբանություն․

«Գերազանց պաշտպան է։ Նա արագ է, ինչպես կայծակը։ Սխալներ թույլ չի տալիս։ Ուրախ եմ, որ տևական դադարից հետո կունենանք եզրային պաշտպաններ, որոնք կմիանան գրոհներին»։

«Անհավատալի է։ Նա հիանալի ֆուտբոլիստ է»։

«Լավագույն տրանսֆերը, որը ուժեղացրել է թիմը»։

Հիշեցնենք, որ ՉԼ-ի որակավորման 2-րդ փուլի 1-ին խաղում 10 հոգով մնացած «Ցրվենա Զվեզդան» հաղթել էր նվազագույն հաշվով, իսկ Նաիր Տիկնիզյանը մասնակցել էր ամբողջ հանդիպմանը։

Այս զույգի պարտվողը, Եվրոպա լիգայի որակավորման 3-րդ փուլում մրցելու է «Նոա»-«Ֆերենցվարոշ» զույգի պարտվողի հետ։