Ծանրորդ Դավիթ Առաքելյանը փոքր արծաթե մեդալ է նվաճել պատանիների Եվրոպայի առաջնությունում
Հայաստանի ծանրամարտի պատանիների հավաքականի անդամները շարունակում են ելույթները Մադրիդում ընթացող պատանիների Եվրոպայի առաջնությունում:
Հուլիսի 24-ին պայքարի մեջ են մտել 60 կգ քաշային պատանիները:
Այս քաշային կարգում Հայաստանի ներկայացուցիչ Դավիթ Առաքելյանը պոկում վարժությունում երեք հաջող մոտեցում է ունեցել՝ հաջորդաբար բարձրացնելով 105 կգ, 110 կգ, 113 կգ: Այս վարժությունում Առաքելյանը դարձել է արծաթե մեդալակիր:
Հրում վարժությունում Առաքելյանը բարձրացրել է 130 կգ ու 133 կգ: Երկամարտի 246 կգ արդյունքով նա Եվրոպայի առաջնությունում 4-րդ տեղն է զբաղեցրել:
