Սամվել Գասպարյանը՝ EWF-ի «Արդար խաղ» հանձնաժողովի անդամ
Հայաստանի ծանրամարտի ֆեդերացիայի գլխավոր քարտուղար Սամվել Գասպարյանն ընտրվել է Եվրոպական ֆեդերացիայի «Արդար խաղ» հանձնաժողովի անդամ: Այս մասին հայտնում է Հայաստանի ծանրամարտի ֆեդերացիայի մամուլի քարտուղարությունը:
Նման որոշում կայացվել է EWF-ի գործադիր կոմիտեի նիստի ընթացքում:
«Հայաստանի ծանրամարտի ֆեդերացիան շարունակելու է խորացնել համագործակցությունը միջազգային կառույցների հետ` առավել շատ ներգրաված լինելով այդ կառույցներում: Պատիվ է դառնալ Ծանրամարտի Եվրոպայի ֆեդերացիայի «Արդար խաղ» հանձնաժողովի անդամ»,- ասել է Սամվել Գասպարյանը:
