Վանը նոր դարպասապահ ու հարձակվող ունի

Ինչպես տեղեկացնում է «Վանի» մամուլի ծառայությունը, ակումբին են միացել դարպասապահ Դանիլա Բոկովն ու հարձակվող Համլետ Մինասյանը։

Բոկովը ազգությամբ ռուս է, 22 տարեկան։ Դարպասապահը «Վանի» շարքերը համալրել է Մոկսվայի ԲԿՄԱ-ից։ Բոկովը հանդես է եկել նաև «Չայկայում» և Բելգորոդի «Սալյուտում»։

Համլետ Մինասյանը նույնպես 22 տարեկան է։ Չարենցավանյան ակումբ է տեղափոխվել «Սյունիքից»։ Վերջինիս կազմում, նախորդ մրցաշրջանում, դարձել է 21 գոլի հեղինակ։ Մինասյանը նախկինում պաշտպանել է նաև «Արարատի» և ԲԿՄԱ-ի գույները։

«Վանը» բարի գալուստ է մաղթել ֆուտբոլիստներին։