Հարություն Հովհաննիսյանը՝ ծանրամարտի Եվրոպայի պատանիների առաջնության ոսկե մեդալակիր
Իսպանիայի մայրաքաղաք Մադրիդում ընթացող ծանրամարտի Եվրոպայի պատանիների առաջնության +94 կգ քաշայինների պայքարում Հայաստանի ներկայացուցիչ Հարություն Հովհաննիսյանը երկամարտի 346 կգ արդյունքով դարձել է ոսկե մեդալակիր:
Պոկում վարժությունում հայ ծանրորդը երեք հաջող մոտեցմամբ բարձրացրել է 150, 156 և 160 կգ կշռող ծանրաձողերը: Վերջին մոտեցմամբ նա նաև Եվրոպայի պատանիների նոր ռեկորդ է սահմանել և այս վարժությունում ևս դարձել ոսկե մեդալակիր:
Հրում վարժությանը Հովհաննիսյանը բարձրացրել է 180 ու 186 կգ ծանրաձողերը: Այս վարժությունում Հովհաննիսյանը երկրորդն էր:
