Լեգիան հաղթեց, բայց լքեց ԵԼ-ն․ Բիչախչյանը դարձավ գոլային փոխանցման հեղինակ (տեսանյութ)

Եվրոպա լիգայի որակավորման 3-րդ փուլում «Լեգիան» ընդունել էր Լարնակայի ԱԵԿ-ին ու հաղթեց 2։1 հաշվով։

Հայաստանի ազգային հավաքականի կիսասպաշտպան Վահան Բիչախչյանն ընդգրկված էր իր թիմի մեկնարկային կազմում ու 16-րդ րոպեին դարձավ գոլային փոխանցման հեղինակ։ Տեսանյութը՝ այստեղ։ Վահանը փոխարինվեց 72-րդ րոպեին։

Այս հաղթանակը բավարար չէր լեհական ակումբին հաջորդ փուլ դուրս գալու համար, քանզի դիմակայության 1-ին խաղում ԱԵԿ-ն առավելության էր հասել 4։1 հաշվով։

Այսպիսով, «Լեգիան» պայքարը կշարունակի Կոնֆերենցիաների լիգայի փլեյ-օֆֆում, որտեղ կմրցի շոտլանդական «Հիբերնիանի» հետ։