Կրասնոդարը չի պատասխանել Սաութհեմփթոնի` Սպերցյանի համար առաջարկին
«Կրասնոդարի» ղեկավարությունը չի արձագանքել անգլիական «Սաութհեմփթոնի» առաջարկին՝ Հայաստանի հավաքականի կիսապաշտպան Էդուարդ Սպերցյանի տրանսֆերի վերաբերյալ:
Armenie Football-ի տվյալներով՝ «Կրասնոդար» ակումբի ներկայացուցիչները դեռևս վերջնական որոշում չեն կայացրել 25-ամյա հայ ֆուտբոլիստի վերաբերյալ, որով ակտիվորեն հետաքրքրվում է «Սաութհեմփթոնը»:
Ռուսաստանի գործող չեմպիոնները չեն արձագանքել անգլիական թիմի առաջարկին, որը պատրաստ էր վճարել մոտ 14 միլիոն եվրո՝ առանց բոնուսների:
Հիշեցնենք, որ այս մրցաշրջանում Էդուարդ Սպերցյանը «Կրասնոդարի» կազմում Ռուսաստանի առաջնությունում անցկացրել է հինգ խաղ՝ խփելով երեք գոլ և կատարելով չորս գոլային փոխանցում:
