Գասպար Տերտերյանը՝ աշխարհի չեմպիոն

Բուլղարիայում ընթացող ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 72 կգ քաշային Գասպար Տերտերյանը նվաճել է աշխարհի չեմպիոնի տիտղոսը։

Նա երեք տպավորիչ հաղթանակ է տարել նախ 6:2 հաշվով հաղթելով ադրբեջանցի մրցակցին, այնուհետև 3:1 հաշվով՝ Ասիայի Մ20 չեմպիոն ղազախ մրցակցին, իսկ 1/4-ում վստահ առավելության է հասել Բուլղարիայի ներկայացուցչի նկատմամբ:

Կիսաեզրափակչում հայ ըմբիշը 5։1 հաշվով առավելության հասավ հույն ըմբիշի նկատմամբ, իսկ եզրափակչում նա հաղթեց Ուզբեկստանի ներկայացուցիչ, Ասիայի Մ20 չեմպիոն, Ահմադ Կոդիրովին։

Հիշեցնենք, որ երեկ Յուրիկ Մխիթարյանը նվաճեց արծաթե մեդալ, իսկ այսօր Ալեքս Մարգարյանը դուրս եկավ եզրափակիչ։