Բուլղարիայում ընթացող հունահռոմեական ոճի ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 63 կգ քաշային Ալեքս Մարգարյանը նվաճել է արծաթե մեդալ։
Մարգարյանը եզրափակչում 2։12 հաշվով զիջել է ուզբեկ Այտջան Խալմախանովին։
Մինչ եզրափակիչ հասնելը հայ ըմբիշը հաղթել էր Չինաստանի, ԱՄՆ-ի, Իրանի ու Բուլղարիայի ներկայացուցիչներին։
87 կգ քաշային Էրիկ Տեր-Մաթևոսյանն էլ բրոնզե մեդալի համար գոտեմարտում առավելության հասավ Ֆինլանդիայի ներկայացուցչի նկատմամբ։
Հիշեցնենք, որ ավելի վաղ հայ հունահռոմեականներից աշխարհի չեմպիոնի կոչմանն արժանացել էր Գասպար Տերտերյանը, Յուրիկ Մխիթարյանը նվաճել էր արծաթե մեդալ։
Այսպիսով, ըմբշամարտի մինչև 20 տարեկանների աշխարհի առաջնությունն ավարտված է։
