US Open. Կարեն Խաչանովը ձեռքից բաց է թողնում 2 սեթի առավելությունն ու լքում է պայքարը

Ռուսաստանը ներկայացնող հայ թենիսիստ Կարեն Խաչանովը լքեց պայքարը Մեծ սաղավարտի՝ ԱՄՆ բաց առաջնության 1/32 եզրափակչում՝ հինգ սեթում 2։3 (6:2, 7:6. 4:6. 5:7, 6:7) հաշվով զիջելով Լեհաստանի ներկայացուցիչ, 76-րդ ռակետ Կամիլ Մայչժակին։

1-ին սեթում Խաչանովը խնդիրներ չունեցավ։ 2-րդ սեթում, թայ-բրեյքում առավելության հասավ 7։4 հաշվով։ 3-րդ ու 4-րդ սեթերում Խաչանովը զիջեց, իսկ 5-րդ սեթում, երբ հաղթում էր 5։2 հաշվով և վերջնական հաղթանակից բաժանում էր 1 գեյմը, Կարենը զիջեց ու թայ-բրեյքում պարտվեց 5-10 հաշվով։

Հանդիպումը տևեց 4 ժամ 31 րոպե։

US Open-ի 1/16 եզրափակչում Մայչժակը կմրցի Շվեյցարիան ներկայացնող, 435-րդ ռակետ Լեանդրո Ռիեդիի հետ։