Հայաստանի ծանրամարտի տղամարդկանց թիմի անդամ, պատանեկան Օլիմպիական խաղերի ոսկե մեդալակիր, աշխարհի և Եվրոպայի չեմպիոն ծանրորդ Հակոբ Մկրտչյանն ավարտում է պրոֆեսիոնալ կարիերան:
Այս մասին տեղեկացնում է Հայաստանի ծանրամարտի ֆեդերացիան։
Հակոբ Մկրտչյանը 2014 թվականի Նանկինի պատանեկան Օլիմպիական խաղերի ոսկե մեդալակիր է, 2019 թվականի աշխարհի առաջնության, 2019, 2024 թվականների Եվրոպայի առաջնությունների չեմպիոն:
Հայաստանի ծանրամարտի ֆեդերացիան շնորհակալություն է հայտնել 28-ամյա ծանրորդին:
