Խորվաթիայի մայրաքաղաք Զագրեբում ընթանում է ըմբշամարտի աշխարհի առաջնությունը։
61 կգ քաշային Մանվել Խնձրցյանը, որը ստացել էր սփոփիչ գոտեմարտ անցկացնելու հնարավորություն՝ բրոնզե մեդալ վաստակելու համար, 4-11 հաշվով զիջեց Ղազախստանը ներկայացնող Ասիլժան Յեսենգելդիին։
Խնձրցյանը պայքարը սկսել էր որակավորման փուլից, որտեղ 6։1 հաշվով առավելության էր հասել Իտալիայի ներկայացուցիչ Սիմոնե Պիրոդուի նկատմամբ, սակայն 1/8 եզրափակչում զիջել էր Օլիմպիական խաղերի հաղթող, աշխարհի կրկնակի չեմպիոն Զաուր Ուգուևին։
Այսօր պայքարի մեջ կմտնեն 57 կգ քաշային Արսեն Հարությունյանն ու 74 կգ քաշային Հրայր Ալիխանյանը։
Հիշեցնենք, որ այսօր երեկոյան բրոնզե մեդալի համար կպայքարի 70 կգ քաշային Արման Անդրեասյանը։
Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։
