Արսեն Հարությունյանը մեկնարկեց ջախջախիչ հաղթանակով

Խորվաթիայի մայրաքաղաք Զագրեբում ընթանում է ըմբշամարտի աշխարհի առաջնությունը։

Այսօր պայքարի մեջ են մտել 57 կգ քաշային ազատ ոճայինները։

Հայաստանի ներկայացուցիչ Արսեն Հարությունյանը որակավորման փուլում մրցում էր ուկրաինացի Վլադիսլավ Աբրրամովի հետ ու 2 րոպե 17 վայրկյանում առավելության հասավ վերջինիս նկատմամբ՝ 10։0 հաշվով։ Հարությունյանի մրցակիցը 1/8 եզրափակչում մոնղոլ  Մունխ Բատհույագն է, որը առավելության հասավ Սերբիան ներկայացնող Ազամատ Տուսկաևի նկատմամբ՝ 6։4 հաշվով։

Այսօր պայքարի մեջ է մտնելու նաև 74 կգ քաշային Հրայր Ալիխանյանը։

Մեր մյուս ազատ ոճայիններից Մանվել Խնձրցյանն այսօր պարտվեց սփոփիչ գոտեմարտում՝ կորցնելով բրոնզե մեդալ վաստակելու շանսը, իսկ երեկոյան պատվոհարթակին կանգնելու համար կպայքարի Արման Անդրեասյանը։

Վաղը պայքարի մեջ կմտնի Վազգեն Թևանյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։