«Նոա» ՖԱ–ի նախագահ Վարդգես Վարդանյանն ընդունված որոշման վերաբերյալ նշել է.

 

«Երկար ժամանակ է, ինչ սերտ համագործակցում էինք Կառավարության հետ՝ հողատարածքի գնման լավագույն լուծումը և ձևաչափը գտնելու համար։ Երջանիկ և հպարտ ենք, որ առաջին և կարևոր քայլն արեցինք։ Շնորհակալություն եմ ուզում հայտնել ներգրավված բոլոր պաշտոնյաներին։

Մենք գերազանցության ենք գնում ֆուտբոլային բոլոր ուղղություններով, և մեր ամենամեծ երազանքներից մեկը հենց սա է՝ ստեղծել Հայաստանի նորանկախ պատմության լավագույն սպորտային ենթակառուցվածքներից մեկը և առաջին գերժամանակակից մարզադաշտը՝ հագեցած բոլոր անհրաժեշտ բաղադրիչներով։

Սա մեր երազանքների գրքի հերթական տողն է։ Մեծ պատասխանատվությամբ ենք մոտենալու այս գործին, քանի որ սա առաջին հերթին հայկական ֆուտբոլի ապագայի համար կարևոր հիմք է, ժառանգություն ապագա սերունդներին։ Ջանք ու միջոց չենք խնայելու՝ հասնելու լավագույն արդյունքին՝ հանուն հայկական ֆուտբոլի ու Հայաստանի»։

Ըսդ այդմ, Արմավիրի մարզում կկառուցի ՈՒԵՖԱ-ի ստանդարտներին համապատասխան 4-րդ կարգի գերժամանակակից ստադիոն մոտ 15․000 հանդիսատեսի համար։

Մի քանի տասնյակ միլիոն դոլար արժողությամբ այս նախագիծը, բացի ստադիոնից, կներառի նաև բարձրակարգ հյուրանոցային համալիր,փակ մարզադաշտ
, հանրակրթական դպրոց, սպորտային մարզասրահ, լողավազան, գիշերակացի հանրակացարան, ֆուտբոլային ակադեմիա
 4-6 բնական և արհեստական խոտածածկ մարզադաշտեր։