Քուրդյանը զիջեց 1/8 եզրափակչում
Զագրեբում ընթացող ըմբշամարտի աշխարհի առաջնությունում պայքարը սկսել են հունահռոմեական ոճի ըմբիշները։
130 կգ քաշային կարգում Հայաստանը ներկայացնող Ռազմիկ Քուրդյանը որակավորման փուլում մրցում էր Ադրբեջանը ներկայացնող Բեկա Կանդելակիի հետ և հաղթելով վերջինիս դուրս եկավ 1/8 եզրափակիչ, որտեղ մրցելով UWW-ի դրոշի ներքո հանդես եկող Պավել Հլինչուկի դեմ՝ պարտվեց 3։5 հաշվով։
Հետաքրքրական է, որ շուրջ 20 րոպե տևած գոտեմարտում ըմբիշների մարզիչները 3 անգամ դիմեցին չելենջի՝ ու բոլոր դեպքերում մրցավարները փոխեցին իրենց որոշումները։ Եզրափակիչ սուլիչից հետո հայ մարզիչները ևս մեկ անգամ դիմեցին չելենջի, սակայն պարտվեցին, ինչի արդյունքում ձևավորվեց վերջնական հաշիվտ։
Հլինչուկի եզրափակիչ հասնելու դեպքում Քուրդյանը կանցկացնի սփոփիչ գոտեմարտ ու հաջողելու դեպքում կպայքարի բրոնզե մեդալի համար։
Հիշեցնենք, որ այսօր պայքարի մեջ մտած 77 կգ քաշային Մալխաս Ամոյանը մեկնարկային գոտեմարտում հաղթել է Պանամերիկյան խաղերի չեմպիոն Քամալ Բեյին, իսկ 82 կգ քաշային Սամվել Գրիգորյանը զիջել է մեկնարկում։
Քիչ անց պայքարը կսկսի 55 կգ քաշային Մանվել Խաչատրյանը։
Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։
