Խաչատրյանն ու Պողոսյանը հաղթում են սփոփիչ գոտեմարտում ու շարունակում պայքարը բրոնզե մեդալի համար

Զագրեբում ընթացող հունահռոմեական ոճի աշխարհի առաջնությունում այսօր սփոփիչ գոտեմարտ են անցկացնում Հայաստանի ներկայացուցիչներ 72 կգ քաշային Գոռ Խաչատրյանն ու 60 կգ քաշային Հրաչյա Պողոսյանը։

Խաչատրյանը մրցում էր ԱՄՆ-ն ներկայացնող Ալեխանդրո Սանչոյի հետ ու հաղթանակի հասավ 6։1 հաշվով։ Պողոսյանի մրցակիցը ադրբեջանցիի Նիհատ Մամադլին էր, որը վնասվածքի պատճառով բացակայում էր։

Այսպիսով, Խաչատրյանը «բրոնզե եզրափակիչ» հասնելու համար կանցկացնի ևս մեկ գոտեմարտ։ Մրցակիցը իրանցի Սեյեդ Սոհրաբին է։

Հրաչյա Պողոսյանն էլ բրոնզե մեդալը կվիճարկի Սերբիան ներկայացնող Գեորգի Տիբալովի հետ։

Քիչ անց պայքարի մեջ կմտնեն 63 կգ քաշային Կարեն Ասլանյանը, 67 կգ քաշային Սլավիկ Գալստյանն ու 87 կգ քաշային Վիգեն Նազարյանը։

Մեր մարզիկներից իրենց մրցելույթներն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանը, 97 կգ քաշային Արթուր Ալեքսանյանն ու 130 կգ քաշային Ռազմիկ Քուրդյանը։

77 կգ քաշային կարգում աշխարհի չեմպիոն է դարձել Մալխաս Ամոյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։