Նազարյանը հաղթանակով մեկնարկեց ԱԱ-ում

Զագրեբում ընթացող հունահռոմեական ոճի աշխարհի առաջնությունում պայքարի մեջ մտավ 87 կգ քաշային Վիգեն Նազարյանը։

Որակավորման փուլում Նազարյանի մրցակիցը Նորվեգիան ներկայացնող Էքսաուս Մակուբուն էր։ Գոտեմարտն ավարտվեց 1։1 հաշվով, բայց 1-ին միավորը վաստակելու համար հաղթանակը շնորհվեց հայ ըմբիշին։

1/8 եզրափակիչում Նազարյանի մրցակիցը կլինի Ղազախստանը ներկայացնող Իսլամ Եվլոևը։

Այսօր պայքարի մեջ կմտնեն 63 կգ քաշային Կարեն Ասլանյանն ու 67 կգ քաշային Սլավիկ Գալստյանը։

Հիշեցնենք, որ բրոնզե մեդալ նվաճելու շանսերը պահպանում են 60 կգ քաշային Հրաչյա Պողոսյանն ու 72 կգ քաշային Գոռ Խաչատրյանը։

Մեր մարզիկներից իրենց մրցելույթներն ավարտել են 55 կգ քաշային Մանվել Խաչատրյանը, 82 կգ քաշային Սամվել Գրիգորյանը, 97 կգ քաշային Արթուր Ալեքսանյանն ու 130 կգ քաշային Ռազմիկ Քուրդյանը։

77 կգ քաշային կարգում աշխարհի չեմպիոն է դարձել Մալխաս Ամոյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։