Սլավիկ Գալստյանը զիջեց քառորդ եզրափակիչում

Զագրեբում ընթացող հունահռոմեական ոճի ըմբշամարտի աշխարհի առաջնության 67 կգ քաշային կարգում Հայաստանը ներկայացնող Սլավիկ Գալստյանը քառորդ եզրափակիչում 3։4 հաշվով զիջեց ադրբեջանցի Հասրաթ Ջաֆարովին։

Մինչ քառորդ եզրափակիչ հասնելը Գալստյանը նախ որակավորման փուլում հաղթել էր ղազախ ըմբիշին՝ 10։1 հաշվով, իսկ 1/8-ում առավելության էր հասել Ֆրանսիան ներկայացնող Գագիկ Սնջոյանի նկատմամբ՝ 9։3 հաշվով։

Այսօր պայքարը լքել են 63 կգ քաշային Կարեն Ասլանյանը և 87 կգ քաշային Վիգեն Նազարյանը։

Հիշեցնենք, որ այսօր երեկոյան բրոնզե մեդալի համար կպայքարի 60 կգ քաշային Հրաչյա Պողոսյանը։

Մեր մարզիկներից, ավելի վաղ, իրենց մրցելույթներն ավարտել էին 55 կգ քաշային Մանվել Խաչատրյանը, 82 կգ քաշային Սամվել Գրիգորյանը, 97 կգ քաշային Արթուր Ալեքսանյանն ու 130 կգ քաշային Ռազմիկ Քուրդյանը։

77 կգ քաշային կարգում էլ աշխարհի չեմպիոն է դարձել Մալխաս Ամոյանը։

Ըմբշամարտի աշխարհի առաջնությունում հայ մարզիկների ելույթների ուղիղ թարմացումներին հետևեք մեր տելեգրամյան ալիքում։