Կփորձենք եվրոպական այս ճանապարհորդությունը սկսել դրական արդյունքով․ Մարին Յակոլիշը՝ Ռիեկայի դեմ խաղից առաջ (տեսանյութ)

Կոնֆերենցիաների լիգայի հիմնական փուլի 1-ին տուրի «Նոա»-«Ռիեկա» խաղից առաջ երևանյան ակումբի ֆուտբոլիստ Մարին Յակոլիշը պատասխանել է լրագրողների հարցերին․

«Մեզ համար կարևոր խաղ է։ «Ռիեկան» երկրի չեմպիոնն ու անցած տարվա գավաթակիրն է։ Նրանք լավ չեն սկսել մրցաշրջանը, բայց մենք գիտենք, թե նրանք ինչ որակներ ունեն։ Մենք կփորձենք եվրոպական այս ճանապարհորդությունը սկսել դրական արդյունքով ու ցույց տալ, որ «Նոան» արժանի է հաղթանակի»։

«Չեմ կարծում, որ այս խաղի համար մենք լրացուցիչ մոտիվացիայի կարիք ունենք, քանի որ բոլորն են ցանկանում խաղալ եվրոպական մրցաշարում»։

Մանրամասն տեսանյութում․



Հիշեցնենք, որ «Նոա»-«Ռիեկա» հանդիպումը կկայանա հոկտեմբերի 2-ին՝ Վազգեն Սարգսյանի անվան «Հանրապետական» մարզադաշտում։ Մեկնարկը՝ 20։45-ին։