Հայ շախմատիստների արդյունքները Եվրոպայի թիմային առաջնության 3-րդ խաղափուլից հետո
Ավարտվել է շախմատի Եվրոպայի թիմային առաջնության 3-րդ խաղափուլը։
Հայաստանի տղամարդկանց հավաքականը 2:2 հաշվով է ավարտել իր հանդիպումը Խորվաթիայի հավաքականի հետ: Բոլոր չորս խաղերում գրանցվել է ոչ-ոքի: Խաղում էին Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը և Արամ Հակոբյանը։
Կանանց հավաքականը 3-րդ փուլում մրցել է Լեհաստանի թիմի հետ. հանդիպումն ավարտվել է Լեհաստանի՝ 3:1 հաշվով հաղթանակով:
4-րդ խաղափուլում տղամարդկանց հավաքականը կմրցի Ռումինիայի, իսկ կանանց հավաքականը՝ Իսրայելի հավաքականների հետ։
Խաղերը կմեկնարկեն հոկտեմբերի 8-ին՝ Հայաստանի ժամանակով 15:00-ին
