Ըմբշամարտի Մ23 ԱԱ․ Տերտերյանն ու Գեղամյանը զիջեցին բրոնզե մեդալի համար պայքարում

Սերբիայի Նովի Սադ քաղաքում ընթացող հունահռոմեական ոճի ըմբշամարտի մինչև 23 տարեկանների աշխարհի առաջնությունում մրցելույթներն ավարտեցին 72 ու 97 կգ քաշային ըմբիշները

72 կգ քաշային կարգում Հայաստանը ներկայացնող Գասպար Տերտերյանը բրոնզե մեդալի համար պայքարում զիջեց ադրբեջանցի Ռուսլան Նուրուլաևին (1։3)։ 97 կգ քաշային Արշակ Գեղամյանն էլ «բրոնզե եզրափակիչում» 1։1 հաշվով ավարտեց գոտեմարտը ռուս Մաքսիմ Ավերինի դեմ, սակայն զրկվեց մեդալից՝ մրցակցի 1-ին միավորը վերցնելու պատճառով։

Հիշեցնենք, որ ավելի վաղ հայ ըմբիշներից պայքարն ավարտել էին 55 կգ քաշային Արայիկ Թոփալյանը, 63 կգ քաշային Դավիթ Ջոտյանը, 67 կգ քաշային Ռուբեն Միրանյանը, 77 կգ քաշային Սամվել Տերտերյանը, 82 կգ քաշային Յուրիկ Պետրոսյանը ու 87 կգ քաշային Ռուբեն Գևորգյանը։ 130 կգ քաշային Ռազմիկ Քուրդյանը նվաճելի էր արծաթե մեդալ։

Վաղը սփոփիչ գոտեմարտեր կանցկացնի ու բրոնզե մեդալի համար կպայքարի 60 կգ քաշային Սուրեն Աղաջանյանը։