Հայաստանի Գավաթ․ Արարատը հաղթեց Առաջին խմբի ներկայացուցչին ու կխաղա քառորդ եզրափակչում (տեսանյութ)

Հայաստանի Գավաթի խաղարկության 1/8 եզրափակչում «Սարդարապատը» մրցում էր «Արարատի» հետ ու զիջեց 0։3 հաշվով։

Գոլերը հեղինակեցին Աբուբակար Ուատարան (62'), Կալիֆալա Դումբիան (67') և Գոռ Լուլուկյանը (80')։

Այսպիսով, «Արարատը» նվաճեց քառորդ եզրափակչի ուղեգիր՝ միանալով «Նոային», «Արարատ-Արմենիային», «Շիրակին», «Ուրարտուին», «Անդրանիկին», «Փյունիկին» և «Սյունիքին»։

Հիշեցնենք, որ «Արարատը» վերջին անգամ պաշտոնական խաղում հաղթել էր մայիսի 8-ին՝ 24/25 մրցարջանում, Հայաստանի առաջնության 30-րդ տուրում 2։1 հաշվով առավելության հասնելով «Վանի» նկատմամբ։