79 կգ քաշային ծանրորդների պայքարում Հայաստանի ներկայացուցիչ Նարեկ Մկրտչյանը երկամարտի 338 կգ արդյունքով դարձել է արծաթե մեդալակիր:

Պոկում վարժությունում Նարեկ Մկրտչյանը հաջորդաբար բարձրացրել է 145 կգ ու 150 կգ կշռող ծանրաձողերը: Այս ձևում նա 4-րդն է: Հրում վարժության առաջին մոտեցմամբ` բարձրացնելով 185 կգ, Մկրտչյանը սահմանել է երկամարտի Եվրոպայի ռեկորդ: Այս վարժությունում մեր ծանրորդը բարձրացրել է նաև 188 կգ: Այս ձևում նա երկրորդն է: 

Այս քաշային կարգում Հայաստանի մյուս ներկայացուցիչ Մարտին Պողոսյանը պոկում վարժությունում անհաջող մասնակցություն ունեցավ: Հրում վարժությունում հայ ծանրորդը գլխավերևում պահել է 175 կգ և 182 կգ կշռող ծանրաձողերը՝ այս ձևում գրավելով 3-րդ տեղը: