Գոհ եմ իմ ֆուտբոլիստներից․ Չեմ կարծում, որ ֆավորիտ էինք․ Սանդրո Պերկովիչը՝ Սիգմայից կրած պարտությունից հետո (տեսանյութ)

Կոնֆերենցիաների լիգայի հիմնական փուլի 3-րդ տուրի «Նոա»-«Սիգմա» (1։2) հանդիպումից հետո երևանյան ակումբի գլխավոր մարզիչ Սանդրո Պերկովիչը խոսել է խաղի մասին ու պատասխանել լրագրողների հարցերին․

«Շնորհավորում եմ «Սիգմային»։ Եվրագավաթային լիգայի փուլի այս տեսակ խաղերում մեր կատարած սխալների համար վճարեցինք։ Մենք 2 գոլն էլ բաց թողեցինք ստանդարտներից՝ 1-ինը եզրային նետում էր, 2-րդը՝ անկյունայինից։ 2-րդ խաղակեսին գնացինք ռիսկի ու փորձեցինք փոխել խաղի սխեման։ Ցավոք սրտի, չկարողացանք գոլ խփել։ Եթե ինչ-որ մեկը լիգայի փուլի մեկնարկից առաջ ինձ առաջարկեր, որ 3 խաղից հետո ունենանայինք 4 միավոր, ես, միևնույն է, կհամաձայնեի։ Իհարկե, այսօր ուրախ չեմ, բայց մենք ունենք 3 խաղ։ Մեզ անհրաժեշտ կլինի 8 միավոր ու կարծում եմ, կկարողանանք դա անել»։

«Իհարկե, կարող էինք ավելի լավ խաղալ, բայց իմ խաղացողները հնարավոր ամեն ինչ արեցին։ Ես նրանց ոչինչ չեմ կարող ասել։ «Սիգման» իրոք արժանի էր հաղթանակի այսօր։ Եվս մեկ անգամ շնորհավորում եմ իրենց և մենք շարժվում ենք առաջ»։

«Ես չեմ կարծում, որ մենք ֆավորիտ էինք։ «Սիգման» լավ թիմ է ու ես երեկ էլ նշեցի, որ «Սիգման» գավաթակիր է այնպիսի երկրում, որտեղ խաղում են բարձր մակարդակի թիմեր»։

Մանրամասն տեսանյութում․