Լույս կտեսնի Յուրա Մովսիսյանի կյանքի և ֆուտբոլային կարիերայի մասին պատմող գիրքը

Հայաստանի ֆուտբոլի ազգային թիմի նախկին հարձակվող Յուրա Մովսիսյանի կյանքի, ֆուտբոլային կարիերայի մասին պատմող գիրք կհրատարկվի, որը կկոչվի «Փոշի ու երազանքներ»/ Dust and Dreams: Այս մասին տեղեկանում ենք ֆուտբոլիստի ֆեյսբուքյան էջից:

«Վերջապես այդ պահը եկել է։ Մի քանի ամիսների ծանր աշխատանքի և մի ամբողջ կյանքի հիշողությունների արդյունքում արդեն կարող եք նախապես պատվիրել իմ առաջին գիրքը՝ «Փոշի ու երազանքներ»․ պատմություն, որը ծնվել է փոշուց և առաջ մղվել երազանքներով։ 

Այն հիշեցում է, որ մեծությունը միշտ չէ, որ ծնվում է հսկա մարզադաշտերում կամ կատարյալ խաղադաշտերում։ Երբեմն այն սկսվում է մոռացված անկյուններում, քերծված հողի վրա, այն երեխաների սրտերում, ովքեր խաղում են՝ նույնիսկ երբ շատ ցուրտ է, իսկ արևը մայր է մտնում»,- գրել է Մովսիսյանը: