Բռնցքամարտի ԱԱ․ Ռաֆայել Հովհաննիսյանը՝ 1/4-ում է․ Հովհաննիսյանն ու Եգորյանը լքեցին պայքարը

Դուբայում ընթացող բռնցքամարտի աշխարհի առաջնությունում 86 կգ քաշային Ռաֆայել Հովհաննիսյանը մրցավարների միաձայն որոշմամբ հաղթելով Իսրայելը ներկայացնող մարզիկին նվաճեց քառորդ եզրափակչի ուղեգիր։

Հայաստանի մյուս ներկայացուցիչները՝ 54 կգ քաշային Դավիթ Եգորյանն ու 63,5 կգ քաշային Նարեկ Հովհաննիսյանը զիջեցին համապատասխանաբար Նեպալն ու Ղրղզստանը ներկայացնող մարզիկներին՝ լքելով պայքարը։

Հիշեցնենք, որ երեկ քառորդ եզրափակչի ուղեգիր էին նվաճել 67 կգ քաշային Հովհաննես Բաչկովը, 80 կգ քաշային Արտուշ Հովհաննիսյանը, 92 կգ քաշային Նարեկ Մանասյանը, գերծանր քաշային Դավիթ Չալոյանը, 48 կգ քաշային Բարեղամ Հարությունյանը և 60 կգ քաշային Արթուր Բազեյանը։

Այսօր ռինգ դուրս կգան նաև 54 կգ Ժիրայր Սարգսյանը և 57 կգ Ռուդոլֆ Գարբոյանը։